ទឹកចិត្ត USB

នេះនឹងថ្លាថ្លែងនឹងUSB     គេប្រើវក់វីគ្មានត្រាប្រណី
យករុកចាក់ដោតគ្មានគិតអ្វី  ជារៀងរាល់ថ្ងៃឈឺពើតផ្សា​។
នាមជាអ្នកផ្ទុកនូវឯកសារ   ទោះជាយ៉ាងណាទ្រាំឯកា
ខំផ្ទុកមេរោគទាំងឈឺផ្សា     នៅតែស្នេហាជនប្រុសស្រី ។
មិនថាមេរោគដត់អ៊ីអិចអី     ខិតខំវក់វីឯកសារម្ចាស់ថ្លៃ
សណ្តូកសណ្តូនគ្មានគិតអ្វី   ផ្ទុកអ្នកថ្លៃយកទៅប្រើការ ។
ចិត្តប៉ុណ្ណឹងហើយនៅមិនយល់   ថែមដាក់អំពល់គ្មានមេត្តា
មិនសម្អាតខ្ញុំឲ្យរូបសង្ហា        ថែមទាំងបាត់ក្បាលទៅណាទេ ។
នៅសល់តែខ្លួនអត់មានក្បាល    គេនៅប្រើការរាល់ថ្ងៃដែរ
រសាយដួងចិត្តធ្លាប់នៅក្បែរ     ធ្លាប់នែបនិត្យស្នេហ៍បាត់ទៅណា ។​

                                                             ដោយ៖ នៅ សុលីដា

Posted in: សិល្បះតាក់តែង